Make your own free website on Tripod.com

" Selamat Datang di UKM - ITB Website .......... Salam sarato Sambah dari kami, Keluarga Besar UKM- ITB "

 

Carano On-Line

foot.gif (8017 bytes)

     Urang Gaek Nan Tapalun    
     Carito: Cui Idra    
     TANTE Marlia mama si Mita, walau umuanyo olah ompek puluah limo tahun,
     tapi kalihatan masih mudo, Kalau inyo bajalan jo anak gadihnyo, antro
     kaduo baranak tu bak cando baradiak kakak sajo layaknyo.    
     Di sampiang mangalola salon, Tante Marlia mambukak pulo sanggar fitnes
     khusus untuak wanita. Usahonyo samakin bakombang dek patolongan Kuncan
     salamoko. Tante Marlia dan Mita batarimo kasih bona ka Kuncan.
     Walaupun sibuk mahadapi tugas rutin sabagai Direktur Gonjong Limo
     Plaza, Kuncan totap maluangkan waktu untuak manolong.    
     Untuk mansyukuri nikmat, Tante Marlia maadokan jamuan makan di
     Villanyo nan talatak di bateh kota. Saluruah kenalan Kuncan dan Mita
     diundang. Tamasuak tontunyo Drs. Busra Bakir nan kabatulan olun kenal
     jo Tante Marlia dan Mita.    
     Uda Busra nan copek ka gawang, sajak sudah datang nan basuo jo Tante
     Marlia dan si Mita, lah acok pulo datang ka situ. Hampia tiok sore
     inyo sangajo singgah ka villa di ateh bukik bateh kota tu. Bahkan
     dalam suatu kasampatan lah barani pulo inyo mambao raun naiak oto
     dinasnyo kuliliang kota. Untuang sajo lai kaduon yo. Tante marlia dan
     si Mita.    
     Bagi Uda Busra, antaro mama dan anaknyo samo sajo manuruk saler onyo.
     Walaulah hampia satangah abad, tpi Tante Marlia indak kalah
     panampilannyo dari anaknyo Mita, pokoknyo lai batuka salero, itu
     prinsip Busra Bakir.    
     Tontu sajo Kuncan indak sonang mancoliak parangai Busra Bakir. Lagi
     pulo salamo ko masalah cewek, antaro Busra Bakir selalu tajadi
     pasaingan indak langsuang. Manuruk Kuncan, Busra Bakir olah
     bakaluarga, indak pantas kironyo kalau masih suko manggadele padusi
     lain. ''Balaian jo ambo'', baitu kato Kuncan wakoto inyo batomu jo
     Busra Bakir di halaman kantuanyo. ''Ambo masih bujang.    
     Olun bakaluarga. Msih tabukak kesempatan untuak bapacaran atau bagaua
     intim jo gadih-gadih lain. Tapi nan Uda Bus olah babini dan baranak.
     Coba kona anak bini. Atau ambo parolu malaporkan ka mintuo uda nan
     gopuak godang tu baliak'', kato Kuncan jo ancaman.    
     Busra Bakir indak bisa cakap. Apo nan dikatokan si Kuncan tu, botua
     kasadonyo. Tapi baa mangatokannyo. Manggalede padusi olah marupokan
     hobi dek inyo. Tante Marlia manuruk saleronyo sabona rancak. Kato
     urang nan olah mancubo, bapacaran jo tante-tante lain pulo seronyo.
     Busra Bakir ingin pulo mancubo. Mandonga kato- kato Kuncan inyo indak
     manjawab. Tapi dalam hati batekad, walau pun apo nan ka tajadi, tante
     Marlia ka di gadelenyo juo. Minimal mancari pangalaman dan mancubo
     raso pacaran jo tante-tante. Baitu tekad Busra Bakir dalam hati.    
     Kuncan manuruk rencana dan jadwal harus ka Batam untuak babarapo hari.
     Sabolun barangkek inyo datang ka villa di Mita untuak mambori tahu. Si
     Mita ingin poi manuruk jo Kuncan. Tapi di larang dek mamanyo, ''Kalau
     Mita pergi, dengan sipa mama tinggal. Lagi pula kita sudah ad rencana
     naik bendi keliling. ''Sebaiknya begitu'', kato Kucnan. Rumik kalau si
     Mita poi jo inyo ka Batam. Lah jaleh indak ka langsuang urusan klau
     ado si Mita di sam piangnyo. Sodangkan inyo harus malakukan meeting jo
     rekan bis nisnyo. ''Nanti uda carikan bendi yang bagus. Bendi mak
     Kiri''. Untuang si Mita lai nomuah manuruk. Nampaknyo si Mita lah
     lokek hatinyo kasi Kuncan. Dan mamanyo, tante Marlia suko pulo ka anak
     mudo ko. Itu tabayang dimato kaduonyo.    
     Sabolum barangkek, Kuncan lah mamosan bendi untuak mambao Tante Mrlia
     dan si Mita raun-raun jo bendi mak Kiri. Mak kiri nan bangga karano
     inyo dapek prioritas di satiok simpang lampu merah dek ado tulisan:
     Kiri jalan terus. Jadi inyo walau lampu merah totap sajo lewat. Sobab
     namonyo Kiri. Itu manuruk inyo tantunyo. Kapado Mak Kiri kusia bendi
     nan di posan kan bona dek Kuncan, sakali kali Busra Bakir jan di bao.    
     Walau cuma tigo hari, tapi bagi Kuncan nan pangonanyo salalu ka si
     Mita, taraso tigo tahun. Raso ka dikuyaknyo hari supayo copek salosai
     urusan di Batam. Sudah sajo salosai di sore nan katigo, inyo langsuang
     barangkek pulang. Wajah manih si Mita indak bisa hilang dari ruang
     matonyo. Untuang ado pasawat ka Padang. Renca nanyo di malam minggu ka
     mambuek acara khusus baduo sajo. Bara kaseronyo baduo duo di malam
     minggu. Dilopeh kan rangkik-rangkik salamo ko. Itu nan tabayang dek
     Kuncan salamo manyetir Escudo nan ditinggakannyo di Padang.    
     Indak sampai duo jam inyo lah sampai di Piladang. Dokek simpang Batu
     Sangka inyo basarobok jo Busra Bakir nan sodang manuju Bukittinggi.
     Kuncan distopnyo dan baronti.'' Untuang awak basaro bok di siko. si
     Mita dapek kacalakaan pagi cako. Kudo bendi Mak Kiri nn mambaonyo ka
     Harau takojuk. Si Mita luko parah. Untuang tante Marlia lai indak baa
     doh. Kini di rawat di RSU. Kamar nomor tigo boleh'', baitu carito
     Busra Bakir. Tontu sajo Kuncan takojuk dan comeh. Oto di gas koncang
     manuju pusat kota. Lupo ma usua pareso lobiah lanjuk ka Busra Bakir.    
     Tibo di RSU Kuncan langsung ka kamar VIP nomor tigo boleh. Indak
     tarago batanyo ka parawat piket nan manih, inyo toruh masuak kamar. Di
     ateh velbed nampak lolok tabariang sasosok tubuah. Saluruh muko dan
     kapalo dipaluk jo perban. Puncak induang dan muncung cuma nn tabukak.    
     ''Jangan diganggu dulu. Dia baru terti dur diberi obat penenng'', kato
     parawat nan marawat. Parawat tu golak manih ka Kuncan. ''Tinggakan
     kami baduo'', mintak Kuncan, dan parwat tu sambia golak dan mancoliak
     jo suduk mato, kalua baliak.    
     Kuncan mandokek dan duduak di tontang kapalo pasien lolok. Ado infus
     nan tapasang di tangan kida si sakik. Jo hati comeh Kuncan
     mamparotikan kapalo nan dibaluk perban. Bibia nan nampak pucek tu agak
     tabukak.    
     Kuncan mamogang tangan nan indak tapasang infus, marameh jari- jari
     nan agak dingin. Titiak aia mato Kuncan mamandang. Lambek- lambek inyo
     mandokekkan kapalonyo lalu babisiak. ''Sayang, kenapa sampai begini,
     sayang''.    
     Kapalo nan baperban tu nampak manggarik arah ka Kuncan. Walau mato
     tatutuk jaleh inyo bausaho mancolaik Kuncan. Kuncan batambah taharu.
     Lalu lambek lambek pulo inyo mancocahkan bibianyo ka bibia nan pucek
     tu. Bibia pucek tu ba usaho mailak, tapi Kuncan taruh manyosak.
     Akianyo bibi pucek tu manyorah pasrah apao nan ka dipabuek. Dan kini
     Kuncan leluasa.    
     Disosaunyo sapueh puehnyo. Tapi masih dalam bateh baten kames raan.
     baru telopeh katiko ado urang nan mambukak pintu kamar dan masuak.''
     Ooooh, uda, uda. Kapan uda sampai. Udaaa, mama kecelakaan tapi tidak
     begitu parah'', tadonga suaro si Mita antaro tanggih dan gembira.
     ''Haaa? Jad.....jad.......jad.......bukan Mita yang dirawat?'', tanyo
     Kuncan. ''bukan. Tapi Mama'', jawab Mita. Dan sakaliko Kuncan tapolun
     urang gaek, Tante Marlia. ***
  

FOOT.GIF (8017 bytes)

Up ]

BOUNCH~1.GIF (8651 bytes)