Make your own free website on Tripod.com

" Selamat Datang di UKM - ITB Website .......... Salam sarato Sambah dari kami, Keluarga Besar UKM- ITB "

 

Carano On-Line

foot.gif (8017 bytes)

     CARITO CARO AWAK    
     'Nenen'nyo Godang Sabolah    
      Carito Cui Idra    
     HARI puncak HUT Dharma Wanita diadokan di GOR Serbaguna. Saluruh nan
     banamo Dharma Wanita hadir kasadonyo. Ado nan bapakaian PSR (Pakaian
     Saragam Resmi) baju kebaya warna bata dan pakaian batik lereng-lereng.    
     Ado pulo nan bapakaian PSK (Pakaian Seragam Kerja) nan warnanyo warna
     bata juo. Tapi banyak juo nan bapakainan bukan DW. Barang kali
     ibuk-ibuk dari GOW, HWK, IWAPI dan Bundo Kanduang nan bukan anggota
     DW.    
     Dari nan banyak itu tontu sajo hadir si Upiak Talen, nan kito tahu
     pantang katinggalan kalau ado acara sarupo iko. Dan Upiak Talen hadir
     basamo jo rombongan PKK dari kecamatan. Di hari nan samo, diadokan
     pulo lomba busana wanita. Upiak Talen dimintak dek ibuk camat mewakili
     kecamatan untuak lomba busana. Walau kini alah jadi manajer pamasaran
     di Gonjong Limo Plaza.    
     Ado tigo macam pakaian nan harus diperagokan dek para peserta kontes
     busana. Nan partamo iolah pakaian tradisi tikuluak kom pong. Sudah tu
     pakaian wisata kreasi. Dan nan tarakhir adolah tampil jo pakaian senan
     nan ketat.    
     Untuak pakaian tradisi tikuluk kompong, dinilai pulo caro mambuek
     tikuluak. Jadi para kontestan disamping mamparagokan pakaian, dinilai
     pulo caro mambuek tingkuak kompong.    
     Sabonanyo banyak nan bapandapek Si Upiak Tolen kurang topek untuak
     sato kontes pakaian ko. Bukan karano inyo indak rancak, kalau
     tubuahnyo lah tinggi samampai. Golaknyo manih giginyo rapi dan
     balosuang pipik pulo di pipinyo.    
     Hanyo sajo sayang saketek, gayanyo agak kajantan-jantanan. Tomboi
     kecek urang kini. Bahkan obuok dipotong pendek pulo. Tapi katiko rapek
     PKK nan tarakhir, Upiak Talen dapek mayakinkan ibuk Camat dan inyo
     juo, jadinyo nan mewakili kecamatan.    
     Lagi pulo Upiak Talen adolah satu satunyo anak gadih nan bisa mambuek
     tingkuluk kompong. dan manuruk inyo untuk pakaian wanita kreasi, olah
     diciptakan suatu busana nan hanyo tadiri dari duo potong kain nan
     indak bajaik. Tekhnik pemakaianyo sabona san tiang.    
     Bagian ateh atau blus digunokan kain tonunan sutera Aua Kuniang. Ontah
     baa caronyo Upiak Talen malokekkan, tapi nan jaleh, katiko dicubokan
     praktek katiko latihan mamakai, kasado urang nan manco liak mamuji.
     Pakaian 3 wisata kreasi ko, dilengkapi jo ilustrasi angin buatan. Jadi
     wakotu tampil di pentas katiko lomba, ado kipeh angin nan diombuh
     kabadan. Anginnyo harus kuek. Gunonyo supayo ado kesan wisatanyo.
     Seakan akan kito diombuh angin daerah pagunungan.    
     "Ambo ka mamakai obuak palasu atau wig panjang tagerai",baitu
     keterangan Upiak Talen dan urang nan hadir dan ibu camat semakin yakin
     ka inyo.    
     Lalu pakaian senam disadiokan bona nan paliang ketat. Dari bahan
     tayet. Badan Upiak Talen sarupo dicetak kalau mamakainyo. Cuma sajo
     ado saran dari ibuk camat, kalau dapek ukuran vital ditambah godangnyo
     saketek. Aratiyo dado jo panggua kalau bisa disompa.    
     "Beres, beres. Bisa ambo atasi", jawab Upiak Talen.    
     Para utusan lomba busana bajumlah limo boleh urang. Rancak rancak
     kasadonyo. Kuncan diminta jadi protokol acara lomba tu. Wakotu lomba
     busana tradisi tikuluak kompong tampil sakali tigo. Mulo mulo caro
     mambuek tingkuluak, caro bajalan dan gaya gaya lain nan sasuai jo
     pakaian nan dipakai.    
     Upiak Talen tampil di urutan kaduo. Batigo pulo sakali tampil. Dek
     persiapan lai matang, penampilan Upiak Talen iyo sabana paten. Dapek
     aplus nan meriah. Ditambah pulo komentar Kuncan nan basumangek.
     "Ikolah gadih puti bungsu nan indak asiang lai. Gadih tacelak Upiak
     Talen. Sahari-hari batugas sabagai Manajer Pemasar an di Gonjang Limo
     Plaza.    
     Topuak tangan untuak Upiak Talen", komentar si Kuncan dan topuak
     tangan sabana rami. Lah sudah tampil kasado peserta nan bapakaian
     tradisi tingkuluak kompong. Ditoruhkan jo acara paragaan pakaian
     senam. Upiak Talen tampil di urutan nan kaonam.    
     Samantaro Upiak Talen bagogeh ka kamar hias untuak manuka pakaian jo
     pakaian senam. Dek peserta lain, pakaian senam dilampisi sajo pakaian
     tradisi. Jadi katiko tibo giliran pakaian senam, dilopeh kan sajo nan
     di lua. Copek salosai.    
     Tapi dek Upiak Talen indak sarupo itu doh, sahinggo lamo manukan yo.
     Indak lupo, nan patuk disompa lah bapasang pulo. Baju tayet ketat
     warono merah manyalo. Samakin ketat sasudah tapasang sagalo sompa.
     Sayang di kamar hias, comin hiasnyo ketek. Indak bisa tanpak saluruh
     badan.    
     Katiko si Kuncan salaku protokol mamanggia nomor undian Upiak Talen
     untuk tampil, inyo salosai pulo bapakaian. Topek bona wakotunyo. Cuma
     indak bisa bacomin sabatang tubuk dek comin ketek. Tapi raso rasonyo
     olah mantap.    
     Jo iringan musik bairama disko, Upiak Talen bagaya di ateh pen tas.
     Indak lupo kuncan mambori kumentar barapi api. Mulo mulo panonton
     batopuak meriah. Tapi sasudah itu panonton nan mamonuhi GOR sarontak
     golak tabahak.    
     Upiak Talen indak mangarati apo nan digolakkan urang. Tamasuak dewan
     juri soto pulo golak. Namun baitu Upiak Talen toruh bagaya, malakukan
     gerak senam. Dan penonton samakin heboh dek golak. Apo gorangan
     panyobabnyo?    
     Lalu tadonga Kuncan bakomentar: "Peserta nomor undian nomor tigo boleh
     nan sodang tampil kiniko, baru sajo sudah manjalani operasi tumor
     payudara sebulan yang lalu. Sangajo tampil agar kita tahu, bahaso
     indak ado halangan olahraga senam bagi urang urang nan habis opersi
     payudara. Kalau ado nanpaknyo nan 'godang sabolah', itu nemang
     disangajo. Untuk itu mari kito bori aplus topuak tangan untuk peserta
     undian tigo boleh".    
     Dek pandai Kuncan bakomentar, panonton nan samulo golak golak dek
     mamandang 'nenen' Upiak Talen godang sabolah, kini jadi batopuak
     sacaro spontan. Panonton jaga yakin jo komentar protokol. Dan Upiak
     Talen selamat.    
     Kiro dek talampau bagogeh melakukan persiapan cako, straple untuk
     mambusuang dado nan dipakai Upiak Talen cicie karet sompanyo sabolah.
     Jadi tontu sajo sabolah busuang sabolah lai kompih. Lagi pulo pakaian
     senam dipakai ketet sarupo karet, tipih dan lunak.    
     Untuang sajo Upiak Talen lai kuek mentalnyo. Sarupo indak adoh nan
     tajadi, Inyo lah basiap siap pulo untuak lomba busana terak hir,
     busana wisata kreasi. Nan jaleh paraga nenen godang sabolah
     salasai.***
    

FOOT.GIF (8017 bytes)

Up ]

BOUNCH~1.GIF (8651 bytes)